PELIS E DOCUMENTAIS

 Este documental, do que é coautora unha antiga alumna do I.E.S. "Virxe do Mar",  foi presentado en Noia o 8 de Marzo. Recolle a historia das mulleres que levantaron imperios téxtiles cosendo na sombra e se viron condenadas ao paro, cando a deslocalización levou a outros lugares, a nivel de escravitude, o enriquecemento dos patróns.  

          O Club María Mariño non podía faltar ao evento, aínda que debera adiar unha semana a reunión da lectura prevista.

Resulta moitas veces difícil concertar unha cita para acudir "en masa" a unha sesión de Cineuropa. A miúdo son tres ou catro as espectadoras do Club quen van xuntas, ou en diferentes días, ver a mesma película, como sucedeu con An, unha xoia de tenrura, Virgin Mountain que recibiu o eloxio unánime das asistentes, ou 45 years. Entón establécese un interesante diálogo sobre esta outra maneira de ler o mundo. Pero o "gran grupo" só atopou unha data posible, o 29 de novembro: Francofonía, non acadou certamente a unanimidade:  para unhas, crítica positiva desta reflexión sobre a arte que leva a dous homes de bandos opostos a entenderse para salvar un patrimonio da Humanidade, os tesouros do Louvre. Para outras un aburrimento total.